Xiaomi şirkətinin sabah hansı smartfonu təqdim edəcəyi məlumatı ortaya çıxdı
Elm & Texnologiya
09.01.2019
Emil Nəcəfov
Xiaomi şirkətinin sabah Çində keçirəcəyi xüsusi tədbirdə hansı Redmi modelini təqdim edəcəyi barəsində məlumat ortaya çıxıb. Məlumatı məşhur insayder Ishan Agarwall verib. Onun sözlərinə əsasən sabahkı tədbirdə Xiaomi şirkəti Redmi Note 7 smartfonunu təqdim edəcək. Qeyd etmək lazımdır ki, bir neçə müddət bundan öncə sözügedən smartfon Geekbench saytında da ortaya çıxmışdı.
Bir müddət əvvəl sızdırılmış məlumatlara əsasən Redmi Note 7 Full HD+ keyfiyyətli 6.3 düym ekrana sahib olacaq və ekranın üzərində çıxıntı hissə olacaq. Əsas texniki göstəricilərə gəldikdə isə smartfon Snapdragon 660 prosessoru, 6 GB RAM, 4000 mAh enerji tutumlu batareya və 48 MP-lik ikili arxa kamera ilə təchiz olunacaq. Bizə isə sabahkı tədbiri gözləmək qalır.
Linki kopyala
Həftənin xəbərləri
"Premium" dizayna malik uyğun qiymətli smartfon: HONOR X8b bizə nələri vəd edir?
Whatsapp yaxın zamanda 2 yeni funksiyanı əldə edəcək