main-post-cover

    Xiaomi Smart Band 8-in real fotoları ortaya çıxıb

    Elm & Texnologiya
    03.03.2023
    Emil Nəcəfov
        Xiaomi növbəti smart qolbaq modeli olacaq Smart Band 8 üzərində artıq çalışır. Smart qolbaq NRRA Korea adlı nizamlayıcı orqanda sertifikatlaşdırmadan keçib. Bu səbəbdən də Smart Band 8-in real fotoları ortaya çıxıb. Həmin fotolarda smart qolbağın dizaynında edilmiş bəzi dəyişikliklər əks olunub. Beləliklə fotolardan da görmək olar ki, Smart Band 8-in gövdəsi tanınan oval formada olacaq. Lakin Xiaomi-nin əvvəlki smart qolbaq modellərindən fərqli olaraq Smart Band 8 modelinin kəməri iki hissədən ibarət olacaq. Beləliklə kəmər smart qolbağın gövdəsinə iki hissədən bərkidiləcək. Smart qolbağın digər dizayn elementləri dəyişilməz olaraq qalmalıdır. Daha öncə Xiaomi iki hissədən ibarət kəmər özəlliyini yalnız premium cihazlara əlavə edirdi. Buna misal olaraq Redmi Watch 3-ü və Smart Band 7 Pro-nu gətirmək olar. Smart Band 8-in texniki özəllikləri barəsində hələ ki, bir məlumat yoxdur. Çox güman ki, şirkət növbəti smart qolbağını yay fəslinin əvvəlində və ya ortasında təqdim edəcək.
    Linki kopyala