Xiaomi Smart Band 8 Pro smart qolbağının təqdimatı anons edilib

    Xiaomi şirkəti 14 avqust tarixində Çində böyük təqdimat tədbiri keçirəcək. Artıq məlumdur ki, təqdimat tədbiri çərçivəsində qatlana bilən Mix Fold 3 smartfonu və Xiaomi Pad 6 Max planşeti təqdim ediləcək. İndi isə şirkət 14 avqust tarixində təqdim ediləcək daha bir yeni məhsulunu anons edib. Söhbət, Smart Band 8 Pro adlı smart qolbaqdan gedir. Qeyd etmək lazımdır ki, son zamanlarda Xiaomi-nin smart qolbaqlarındakı ekranların ölçüləri getdikcə böyüyürlər.

    Bunun nəticəsində Xiaomi Smart Band 7 Pro smart qolbaqdan daha çox smart saata bənzəyir. Təqdim olunacaq yeni Smart Band 8 Pro-da isə ekran ölçüsü daha da böyüyəcək. Məlumata əsasən sözügedən yeni smart qolbaq 60 Hz-lik təsvir yenilənməsinə sahib 1.74 düym ekran ilə təchiz olunacaq. Müqayisə üçün qeyd etmək lazımdır ki, Smart Band 7 Pro modeli 1.64 düym ekrana sahibdir. Təqdim edilmiş fotodan belə qənaətə gəlmək olar ki, smart qolbağın ekran ətrafı çərçivələri nazik olacaqlar.