Xiaomi-nin yeni flaqman smart saatı barəsində məlumatlar internetdə ortaya çıxmağa davam edirlər. Söhbət, Xiaomi Watch 2 Pro-dan gedir. Bu dəfə insayderlər sözügedən smart saatın texniki göstəricilərini paylaşıblar. Beləliklə verilmiş məlumata əsasən Xiaomi Watch 2 Pro smart saatı 466x466 piksel keyfiyyətli 1.43 düym AMOLED ekran ilə təchiz olunacaq. Smart saat Snapdragon W5+ Gen 1 prosessoru vasitəsilə çalıaşcaq və özündə 2 GB RAM-ı, 32 GB daxili yaddaş həcmini və 500 mAh enerji tutumlu batareyanı birləşdirəcək. Sözügedən smart saatın gövdəsi həmçinin sudan qorunma özəlliyinə sahib olacaq və o, MIUI interfeysli WearOS əməliyyat sistemi ilə çalışacaq. Xiaomi Watch 2 Pro-nun ya Xiaomi 13T ya da Xiaomi 14 smartfon seriyası ilə birlikdə təqdim olunacağı gözlənilir.