Xiaomi yeni flaqman smart saat üzərində çalışır

    Digital Chat Station ləqəbli məşhur insayder Xiaomi şirkətiniun növbəti flaqman smart saatını əhatə edən məlumatları təqdim edib. İnsayder şirkət tərəfindən hazırlanan yeni smart saatın ekranı, batareya həcmi, təqdimat müddəti və bəzi funksiyaları barəsində məlumat verib. Beləliklə insayderin sözlərinə əsasən flaqman smart saat noyabr ayında Xiaomi 14 smartfon seriyası ilə birlikdə təqdim olunacaq. Məlumatda qeyd edilib ki, smart saat böyük ölçülü OLED ekran, 520 mAh enerji tutumlu batareya ilə təchiz olunacaq və 4G dəstəyinə sahib olacaq. İstifadəçi səhhətinin monitorinqinə gəldikdə isə smart saat ürək döyüntülərinin tezliklərini və qandakı oksigen miqdarını ölçə biləcək. Smart saatın Xiaomi Watch 2 Pro adını əldə edəcəyi gözlənilir.