Bloomberg saytının məşhur analitiki Mark Gurman Apple şirkətinin gələcək MacBook Air noutbukları barəsində məlumat verib. Analitikin sözlərinə əsasən Apple 13 və 15 düym ekranlara sahib yeni MacBook Air modellərini ya yaz fəslinin sonunda ya da yay fəslində təqdim edəcək. Bu məsələdə dəqiq tarix hələ bilinmir. Bundan əlavə olaraq yeni MacBook Air modellərində istifadə ediləcək prosessorların modelləri barəsində də konkret bir məlumat yoxdur. Çox güman ki, 13 düym ekrana sahib model M3 prosessoru ilə təchiz olunacaq. Qeyd etmək lazımdır ki, M3 prosessoru TSMC şirkətinin 3 nanometrlik texnoloji prosesi əsasında hazırlanacaq. Hal hazırda aktual olan MacBook Air (2022) modeli keçən ilin iyul ayında satışa çıxamışdı. O, 5 nanometrlik texnoloji proses əsasında hazırlanmış M2 prosessoru vasitəsilə çalışır. 15 düym ekrana sahib olacaq yeni MacBook Air modelinin də M3 prosessoru ilə təchiz olunub-olunmayacağı bilinmir.

Bənzər xəbər

Yeni Apple M1 prosessorlarına sahib MacBook Pro (2021) noutbukları təqdim olunub - QİYMƏTİ