Yeni Xiaomi Xring O1 mobil prosessorunun şirkətə hansı qiymətə başa gəldiyi məlum olub
Elm & Texnologiya
20.05.2025
Emil
Çin texnologiya nəhəngi Xiaomi, digər şirkətlərin, xüsusən də Mediatek və Qualcomm-dan olan komponentlər barəsində asılılığını azaltmaq üçün fəal şəkildə işləyir. Ötən həftə şirkət öz yeni cihazlarında istifadə olunacaq Xring O1 adlı prosessorunu anons etdi. Qeyd etmək lazımdır ki, prosessorun təqdimatı artıq 22 may tarixində baş tutacaq. Xiaomi öz texnologiyalarını inkişaf etdirmək üçün vəsaitini əsirgəmir və onun Xring O1 prosessorunun hazırlanmasına nə qədər xərc çəkdiyi artıq məlum olub ki. Şirkətin rəhbəri Lei Jun, Çin sosial şəbəkəsi Weibo-dakı bloqunda bildirib ki, uzun illərdən sonra hazırlanmış bu ilk prosessorun inkişafına 1.8 milyard dollar sərf olunub.
Xiaomi bununla kifayətlənməyəcək və qarşıdakı 10 il ərzində prosessor istehsalı və tədqiqatına ən azı 7 milyard dollar investisiya yatırmağı planlaşdırır. Bu layihə üçün 2500-dən çox mühəndis və proqramçıdan ibarət xüsusi komanda yaradılıb. Qeyd etmək lazımdır ki, 2017-ci ildə Xiaomi müstəqil prosessor istehsalına ilk dəfə cəhd etmiş və Surge S1 prosessorunu təqdim etmişdi. Bu prosessor Mi 5C smartfonu tərkibində təklif edilirdi. Lakin bu layihə uğursuzluqla nəticələndi və şirkət yenidən xarici prosessor istehsalçılarına üz tutdu.
Paylaş
Ən çox oxunanlar
Huawei Pura 80 smartfon seriyasının təqdimatı anons edilib
