Yenilənmiş Tesla Model 3 elektromobilinin fotosu ortaya çıxıb

    Çin Tesla şirkəti üçün vacib bazarlardan biridir. Buna görə də heç təəccüblü deyil ki, şirkət yenilənmiş Model 3 elektromobilinin təqdimatını məhz Şanxay avtosalonu sərgisində keçirtməyi planlaşdırır. Bu münasibətlə yenilənmiş Model 3-ün fotosu da ortaya çıxıb. Ortaya çıxmıış  fotodan da görmək olar ki, yenilənmiş Model 3-ün ön faraları Tesla Roadster 2 idman elektromobilinin ön faralarına bənzəyir. Həmçinin elektromobil tamamilə yeni bamperə də sahibdir. Lakin dəyişikliklər bununla bitməyəcək. Son məlumatlara əsasən yenilənmiş Model 3 elektromobili daha çox sensor və kamera, o cümlədən yaxşılaşdırılmış avtopilot sistemi və salon daxilində yenilənmiş ön paneli əldə etməlidir. Qeyd etmək lazımdır ki, bu il Şanxay avtosalon sərgisi 18 apreldən 27 aprelə kimi baş tutacaq.