Yer kürəsinin qütblərinə ilk kosmik uçuş uğurla yekunlaşıb

     ABŞ-ın aerokosmik şirkəti SpaceX və NASA Fram2 adlı özəl missiyanı uğurla başa çatdırıblar. Bu missiya çərçivəsində dörd nəfərlik ekipajla Crew Dragon kosmik gəmisi tarixdə ilk dəfə olaraq qütb orbitinə çıxıb. Astronavtlarla birlikdə kapsul Kaliforniya sahilləri yaxınlığında Sakit okeana eniş edərək Yer qütbləri üzərindən 3 gündən çox davam edən uçuşu başa vurub. “Bizdə Dragon kosmik gəmisinin uğurlu enişi ilə bağlı təsdiq var. Dragon Fram2 ekipajı ilə birlikdə evə qayıtdı” - deyə SpaceX nümayəndəsi enişin canlı yayımı zamanı bildirib. Fram2 missiyası Maltalı kriptovalyuta milyarderi Chun Wang tərəfindən maliyyələşdirilib.

     O, eyni zamanda ekipajın komandiri olub. Onunla birlikdə kosmik səyahətə norveçli kinorejissor Yannike Mikkelsen, almaniyalı Rabea Rogge və Eric Phillips qatılıblar. Fram2 missiyası bir neçə gün əvvəl astronavtların Floridadakı Kennedi Kosmik Mərkəzindən Falcon 9 daşıyıcı raketi ilə start götürməsi ilə başlayıb. Kosmosda olduqları müddətdə Fram2 ekipajı 22 elmi təcrübə həyata keçirib. Onlardan biri çərçivəsində kosmosda insanın ilk rentgen görüntüsü çəkilib. “MushVroom” adlı başqa bir təcrübədə mikroqravitasiya şəraitində göbələklərin necə inkişaf etdikləri öyrənilib. Astronavtların Yerə qayıdışından sonra isə insan orqanizminin bərpa proseslərinin araşdırılmasına yönəlmiş daha bir təcrübə aparılıb.

Mənbə: Space.com

Bənzər xəbərlər

Elm & Texnologiya

SpaceX-in Crew Dragon kosmik gəmisi mülki ekipajla birlikdə ilk dəfə qütblərə doğru uçuşa yollandı (VİDEO)

SpaceX şirkəti Fram2 adlı özəl pilotlu missiyanın həyata keçirilməsinə başlayıb. Bu missiya çərçivəsində Crew Dragon kosmik gəmisi ilk dəfə olaraq tamamilə mülki ekipajla Yer kürəsini qütblər ətrafında dövrə vuraraq qütb orbitinə çıxacaq.

Elm & Texnologiya

Beynəlxalq Kosmik Stansiyada təsadüfən qalmış iki astronavt uğurla Yerə qayıdıb

Sunita Williams və Butch Wilmore, Beynəlxalq Kosmik Stansiyada (BKS) 9 ay müddətində qaldıqdan sonra uğurlu şəkildə Yerə qayıdıblar.

Elm & Texnologiya

Beynəlxalq Kosmik Stansiyada təsadüfən qalmış iki astronavt 9 aydan sonra Yerə geri dönürlər

SpaceX şirkətinə məxsus Crew Dragon kosmik gəmisi dörd nəfərlik ekipaj ilə Beynəlxalq Kosmik Stansiyadan (BKS) uğurla ayrılıb və Yerə dönüş istiqamətinə çıxıb.

Elm & Texnologiya

Elon Musk gələn il Tesla Optimus robotunu Starship ilə Marsa göndərməyi söz verib

Nəhəng Starship raketi gələn ilin sonuna qədər Marsa yola düşəcək. Bunu SpaceX şirkətinin rəhbəri Elon Musk özünün X sosial şəbəkəsində elan edib.

Elm & Texnologiya

NASA, Beynəlxalq Kosmik Stansiyada təsadüfən qalmış iki astronavtın geri qaytarılması tarixini təyin edib

NASA, təsadüfən Beynəlxalq Kosmik Stansiyada (BKS) ilişib qalan iki astronavtın geri qaytarılması tarixini müəyyənləşdirib. Onlar əslində 10 günlük bir missiya üçün göndərilmişdilər, lakin artıq 9 aydır ki, orada qalıblar.