Təqdimatdan 1 gün qabaq Honor GT Pro-nun prosessoru və batareya həcmi rəsmi şəkildə açıqlanıb

     Honor şirkəti artıq sabah Honor GT Pro adlı yeni flaqman smartfonunu təqdim edəcək. Qeyd etmək lazımdır ki, Honor GT modeli keçən ilin dekabr ayında təqdim olunmuşdu. Yeni smartfonun təqdimatına 1 gün qalmış şirkət onun hansı prosessor vasitəsilə çalışacağını və hansı həcmdə batareyanı əldə edəcəyini açıqlayıb. Beləliklə təqdim edilmiş posterlərdən birinə əsasən Honor GT Pro smartfonu Snapdragon 8 Elite prosessoru vasitəsilə çalışacaq. Smartfonun batareyasına gəldikdə isə ikinci posterdə qeyd edilib ki, o özündə 7200 mAh enerji tutumlu batareyanı birləşdirəcək. Bunun sayəsində smartfon 10 saata qədər mobil oyun təcrübəsini təklif edə biləcək. Bundan əlavə olaraq qeyd edilib ki, Honor GT Pro-nun ekranı 144 Hz-lik təsvir yenilənməsi dəstəyinə sahib olacaq.

Mənbə: GSMarena