ChatGPT dəstəkli AI Pin cihazının yaradıcısı Humane şirkəti özünə alıcı axtarır
Tech-Biznes
24.05.2024
Emil Nəcəfov
Süni zəka əsaslı aparat təminatı sahəsində fəaliyyət göstərən və Apple şirkətinin keçmiş əməkdaşları tərəfindən təsis edilmiş Humane adlı şirkət keçən ilin noyabr ayında ChatGPT dəstəkli cihazını təqdim etmişdi. Söhbət AI Pin adlı cihazdan gedir. Lakin görünür sözügedən cihaz satışlar mövzusunda uğursuz olub. Belə ki, Humane şirkəti özü üçün alıcı axtarışındadır. Məlumata əsasən şirkət 1 milyard dollar müqabilində satılmağa razıdır. Kameralara və ChatGPT dəstəyinə sahib olan, istifadəçinin hər bir sualına cavab verə bilən və istifadəçinin onu hər zaman yanında daşıması mümkün olan bir cihaz maraqlı, heyrətləndirici və rahat səslənir.
Lakin AI Pin cihazı halında sadalanmış bütün bu imkanlar heç də keyfiyyətli şəkildə reallaşdırılmadı. Belə ki, cihaz tez-tez qızma problemi ilə qarşılaşır və istifadəçinin ən sadə suallarına belə cavab vermir. Üstəlik cihazın istifadəçi əlinə proyeksiya üsulu heç də rahat olmayan kommunikasiya üsulu hesab edildi. Bütün bunlar yetməmiş kimi cihaz bir dəfə şarj olunandan sonra cəmi 1 saat ərzində çalışır. Bütün bu mənfi özəlliklər AI Pin adlı cihazın uğursuzluğuna səbəb oldular. Humane şirkətinin özünə alıcı axtarışında olması da şirkət mütəxəssislərinin AI Pin-in uğursuz məhsul olduğuna inandıqlarını göstərir.
Linki kopyala
Bənzər xəbərlər
Oxşar xəbərlər
Apple, əl ilə bütün ev cihazlarını idarə etməyə imkan verən texnologiyanı patentləşdirib!
Apple, əl ilə bütün ev cihazlarını idarə etməyə imkan verən texnologiyanı patentləşdirib!
Keçən ilin sonunda Apple-nin keçmiş əməkdaşları tərəfindən qurulan Humane adlı şirkət AI Pin adlı yeni ovuciçi smartfon konsepti ilə çıxış etmişdi. Bunun ardınca Apple-nin ABŞ Patent və Ticarət Nişanları İdarəsindən oxşar cihaz üçün patent aldığı xəbərləri ortaya çıxıb. Məlumatlara görə, bu cihaz yaxa sancağı kimi taxıla və istifadəçiyə əl jestləri ilə yaxınlıqdakı digər cihazlardan istifadə etməyə imkan verə biləcək.
Smartfonları əvəz edəcək ChatGPT dəstəkli AI Pin adlı cihaz təqdim edilib - QİYMƏTİ (VİDEO)
Smartfonları əvəz edəcək ChatGPT dəstəkli AI Pin adlı cihaz təqdim edilib - QİYMƏTİ (VİDEO)
Apple şirkətinin keçmiş dizayneri Imran Chaudhri tərəfindən təsis edilmiş Humane adlı startap smartfonları əvəzləmək üçün nəzərdə tutulmuş cihazını təqdim edib.
Həftənin xəbərləri
