Çin şirkətinə qarşı antimonopoliya istintaqına start verib

     Çinin Dövlət Bazar Tənzimləmə İdarəsi (SAMR) Google şirkətinə qarşı antimonopoliya qanunlarını pozmaq şübhəsi ilə bağlı araşdırmaya başlayıb. Qeyd etmək lazımdır ki, Alphabet holdinqinə məxsus bu axtarış xidməti 2010-cu ildən bəri Çində əlçatan deyil. Bu açıqlama Çin hökumətinin bəzi ABŞ mallarına əlavə rüsumlar tətbiq edəcəyini elan etməsindən dərhal sonra verilib. Çinin Maliyyə Nazirliyi 10 fevraldan etibarən ABŞ-dan idxal olunan kömür və mayeləşdirilmiş təbii qaz üçün 15% əlavə rüsum tətbiq edəcəyini elan edib.

     Bundan əlavə, ABŞ-dan xam neft, kənd təsərrüfatı avadanlığı və bəzi minik və yük avtomobillərinin tədarükünə rüsumların 10% artırılacağı bildirilib. Bu tarif artımı, ABŞ-ın 4 fevraldan etibarən Çin mallarının idxalına mövcud rüsumlara əlavə olaraq 10%-lik yeni vergi tətbiq etməsinə cavab olaraq həyata keçirilir. Bundan başqa, Çin elektronika, aviasiya və müdafiə sənayesində istifadə olunan volfram, tellur, rutenium, molibden və digər strateji metalların ixracına nəzarət tətbiq edib.

     Həmçinin, Çin, Calvin Klein brendinin sahibi olan PVH və ABŞ-ın gen sekvensiya şirkəti Illumina-nı "qara siyahıya" əlavə edib. Reuters-ın məlumatına görə, ABŞ-dan idxal edilən elektrik yük maşınlarına tətbiq olunan 10%-lik əlavə rüsum, Elon Musk-ın Tesla şirkətinin Çində təbliğ etdiyi Cybertruck pikaplarının gələcək tədarüklərinə də şamil edilə bilər. Tesla hələlik bu addımla bağlı heç bir rəsmi şərh verməyib. Google şirkətinə gəldikdə isə axtarış xidməti 2010-cu ildən bəri Çində əlçatan olmasa da, şirkət ölkədə reklam biznesini davam etdirir. Mümkündür ki, Çin hakimiyyəti bu sahəni araşdırma predmeti kimi nəzərdən keçirsin.

Mənbə: Bloomberg

Bənzər xəbərlər

Təhlükəsizlik

Google keçən il Android üçün 2.36 milyon zərərli tətbiqi bloklayıb

Google, 2024-cü ildə Google Play mağazasında 2.3 milyondan çox Android tətbiqini bloklayıb. Bloklanmış tətbiqlər platformanın siyasətini pozduğuna və istifadəçilər üçün potensial təhlükəli olduğuna görə silinib.

Süni İntellekt

DeepSeek böyük texnoloji şirkətlərin səhvlərini ortaya çıxardı

Çinin DeepSeek şirkətinin istifadəyə vermiş olduğu R1 adlı süni zəka modeli son günlərdə böyük səs-küyə səbəb olub. Məsələ burasındadır ki, şirkət sözügedən süni zəka modelinin hazırlanması üçün az həcmdə resurs sərf edərək süni zəka sahəsindəki qaydaları tamamilə dəyişib.

Cihazlar+

Google Pixel 9a-nın satış qiymətləri açıqlanıb

Google şirkəti keçən ilin avqust ayında Pixel 9 smartfon seriyasını təqdim etmişdi. Bu seriyaya Pixel 9, Pixel 9 Pro, Pixel 9 Pro XL modelləri və qatlana bilən Pixel 9 Pro Fold daxil olmuşdular. Yaxın zamanda isə şirkət orta büdcəli Pixel 9a modelini təqdim etməlidir.

Cihazlar+

Google Pixel 10a smartfonu köhnə prosessoru əldə edə bilər

İndiyənə kimi Google şirkəti Pixel a seriyasının smartfonlarını əsas Pixel seriyasının smartfonlarındakı prosessor ilə təchiz edirdi. Lakin insayderlərin vermiş olduqları yeni məlumata əsasən bu il vəziyyət bir qədər fərqli olacaq.

Elm & Texnologiya

Google, HTC-nin VR şöbəsini alıb

Google şirkəti Tayvanın HTC şirkəti ilə bağlı növbəti razılaşmasını elan edib. Belə ki, Google, HTC-nin Vive adlı virtual reallıq (VR) cihazlarının hazırlanması ilə məşğul olan şöbəsini almaq qərarına gəlib.