Elon Musk, Donald Trump-a 10 milyon dollar təzminat ödəyəcək

     Elon Musk, Donald Trump-a 10 milyon dollar təzminat ödəməyi qəbul edib. Bu, 2021-ci ildə Trump-ın X (keçmiş Twitter) hesabının bloklanması ilə bağlı qaldırılmış məhkəmə iddiasının həlli üçündür. The Wall Street Journal-ın məlumatına görə, Musk-a məxsus X platforması mübahisəni həll etmək üçün bu təzminatı ödəməyə razılaşıb. Trump, 6 yanvar 2021-ci il tarixində tərəfdarlarının ABŞ Konqres Binasına hücumlarından sonra hesabının bloklanmasına görə sosial şəbəkəni məhkəməyə vermişdi.

     Federal hakim 2022-ci ildə məhkəmə iddiasını rədd etsə də, prezidentin vəkilləri apellyasiya şikayətləri verməyə davam edirdilər. Hakimin qərarından qısa müddət sonra Elon Musk (hazırda Trump-ın əsas müttəfiqlərindən biri hesab olunur) Twitter-i (indiki X) aldı və Trump-ın hesabını bərpa etdi. Daha sonra Facebook və digər platformalar da Trump-ın hesablarını aktivləşdirdilər, lakin o, hələ də əsasən öz paylaşımlarını Truth Social-da edir. Truth Social, Trump Media Technology Group-a məxsus sosial platformadır.

     Məlumata görə, Trump-ın komandası əvvəlcə X-ə qarşı iddiadan imtina etməyi düşünürdü, çünki son 2 il ərzində Trump ilə Elon Musk arasındakı münasibətlər daha da möhkəmlənmişdi. Musk 2022-ci ildə Trump-ın Twitter hesabını bərpa etdi və Trump-ın 2024-cü il seçki kampaniyasına 250 milyon dollardan çox vəsait yatırdı. Bu həftə Musk və Trump Ağ Evdə birgə mətbuat konfransı keçirdilər. Buna baxmayaraq, Trump məhkəmə prosesini davam etdirmək qərarına gəldi və razılaşma əldə etdi. Yanvar ayında Meta da oxşar iddianın həlli üçün 25 milyon dollar ödəməyə razılaşmışdı.

Mənbə: The Wall Street Journal

Bənzər xəbərlər

Tech-Biznes

Elon Musk, OpenAI şirkətini 97.4 milyard dollara almağı təklif edib

The Wall Street Journal-ın məlumatına görə, Elon Musk investorlar qrupuna rəhbərlik edərək OpenAI-nin qeyri-kommersiya bölməsini 97.4 milyard dollara almaq üçün təklif irəli sürüb.

Tech-Biznes

Elon Musk-ın TikTok-u almaq kimi bir fikri yoxdur

Elon Musk ABŞ hakimiyyətinin milli təhlükəsizlik səbəbləri ilə qadağan etməyə çalışdığı və Çin şirkəti ByteDance-ə məxsus olan TikTok platformasını almaqda maraqlı olmadığını bildirib.

Tech-Biznes

Elon Musk-ın siyasi aktivliyi Starlink üçün təhlükə yarada bilər

Starlink-in gəlirləri sürətlə artmağa davam edir. Son 2 il ərzində onun gəlirləri demək olar ki, üç dəfə artıb. Quilty Space analitik şirkətinin məlumatına görə, 2024-cü ildə peyk internet xidməti SpaceX-ə 7.8 milyard dollar gəlir qazandırıb və bu məbləğin 60%-i fərdi istifadəçilərdən daxil olub.

Tech-Biznes

TikTok-un alınması üçün ABŞ-da suveren investisiya fondunun yaradılması tapşırılıb

ABŞ prezidenti Donald Trump əsas siyasi və iqtisadi məsələləri bir qədər yoluna qoyduqdan sonra orta müddətli perspektivdə həll edilməli olan məsələlərlə məşğul olmağa başladı. Xüsusilə, seçkiqabağı vədlərindən birini yerinə yetirərək, o, ABŞ-da suveren investisiya fondunun yaradılması barədə göstəriş verib.

Elm & Texnologiya

Tesla il ərzində 10 000 ədəd Optimus robotu istehsal etməyə hazırdır

Tesla-nın CEO-su Elon Musk, şirkətin son rüb üzrə maliyyə nəticələrinin təqdim edilməsinə həsr edilmiş mətbuat konfransında şirkətin bu il 10 000 ədəd insanabənzər Optimus robotunu istehsal etməyə mənəvi cəhətdən hazır olduğunu bəyan edib.