Intel-in CEO-su Patrick Gelsinger istefaya göndərilib

Tech-Biznes

03.12.2024

Emil

Intel-in qlobal problemlərinin fonunda şirkət daxilində ciddi kadr dəyişikliyi baş verib. Belə ki, şirkətin CEO-su və direktorlar şurasının üzvü olmuş Patrick Gelsinger istefaya göndərilib. O həm şirkətin CEO vəzifəsindən həm də direktorlar şurasından kənarlaşdırılıb. Qeyd etmək lazımdır ki, Gelsinger şirkətin CEO vəzifəsində 4 il, ümumilikdə şirkətdə isə 45 il çalışdı. Intel daxilində bu qədər uzunmüddətli karyeraya baxmayaraq Gelsinger şirkətdən heç də yaxşı vəziyyətdə ayrılmadı. Məsələ burasındadır ki, o, Intel-in idarəetmə, maliyyə və istehsalat mövzularındakı böhrana səbəb olmuş problemlərini aradan qaldıra bilmədi.

Bununla belə Gelsinger şirkət daxilində irimiqyaslı yenidən təşkil proseslərini işə salmaqla problemləri aradan qaldırmağa səy göstərmişdi. Hal-hazırda Intel-in direktorlar şurası şirkətin yeni CEO-su axtarışındadır. Şirkətin yeni CEO-su vəzifəsinə uyğun namizədin seçiləcəyi müddətə kimi bu öhdəliyi iki nəfər bölüşəcək. Söhbət, şirkətin maliyyə direktoru David Zinsner və Intel Products-un rəhbəri Michelle Johnston Holthaus-dan gedir. Intel-də vəziyyətin yaxşıya doğru dəyişməsini istəyən investorlar Gelsinger-in istefasını müsbət qarşılayıblar. Belə ki, şirkətin Nyu-York birjasında səhmlərinin ümumi dəyəri 6% yüksəlib.

Paylaş

intel

Bənzər xəbərlər