Motorola smartfonlarına ABŞ-da qadağan qoyula bilər
Tech-Biznes
20.12.2024
Emil
ABŞ Beynəlxalq Ticarət Komissiyası (ITC) İsveçin telekommunikasiya şirkəti olan Ericsson ilə Motorola arasındakı patent mübahisəsində məhz Ericsson-un lehinə qərar çıxarıb. Bu öz növbəsində Motorola smartfonlarının ABŞ-da qadağan olunmasına səbəb ola bilər. Ericsson ilə Motorola arasındakı patent mübahisəsi birincinin 5G texnologiyaları üzrə bəzi elementlərə intellektual mülkiyyət hüququna sahib olması ilə bağlıdır.
Ericsson şirkətinin sözlərinə əsasən Motorola-nın Moto G, Edge və Razr smartfonları ona məxsus olan patent hüquqlarını pozurlar. Qeyd etmək lazımdır ki, tərəflər arasındakı bu patent məsələsi hələ ilkin mərhələdədir. ITC-nın qərarı hələ 2025-ci ilin aprel ayında xüsusi komissiya tərəfindən təsdiqlənməlidir. Əgər komissiya ITC-nın qərarını dəstəkləmiş olsa, bu, Motorola smartfonlarının ABŞ-a idxalının qadağan edilməsi demək olacaq. Digər tərəfdən şirkətlər öz aralarında müəyyən məbləğdə kompensasiyanın ödənilməsi üzərindən vahid razılığa da gələ bilərlər.
Paylaş
Ən çox oxunanlar
Azercell-in eksklüziv tərəfdaşlığı ilə “Bakı Marafonu 2025” baş tutdu
