Telegram-ın qurucusu Pavel Durov hələ uzun müddət Fransada qalmalı olacaq

     Telegram-ın qurucusu Pavel Durov Fransada uzun müddət qala bilər, çünki onun işi məhkəməyə ən azı 1 ildən tez təqdim olunmayacaq. Bu barədə Wired Fransanın prokurorluq nümayəndəsi Maylis de Roeck-ə istinadən xəbər verib. Onun sözlərinə görə, Durov-un Parisdə həbs olunmasından 5 aydan çox vaxt keçməsinə baxmayaraq, hər hansı bir razılaşmanı müzakirə etmək üçün hələ çox tezdir. Wired bildirib ki, Durov-un həbsi Telegram-ın platformada qeyri-qanuni fəaliyyətləri bloklamaqdan imtina etməsi ilə bağlı araşdırmadan sonra baş verib. Fransa hakimiyyəti iddia edir ki, bu fəaliyyətlər arasında dələduzluq, narkotik ticarəti, uşaqlara qarşı zorakılıq materialları, mütəşəkkil cinayətkarlıq və terrorizm var.

     Liberation nəşrinin məlumatına görə, Fransa jandarm qüvvələri 2013–2024-cü illər arasında Telegram-a göndərilmiş 2460 hüquqi sorğunun cavabsız qaldığını qeydə alıb. Maylis de Roeck-in sözlərinə görə, Pavel Durov haqqında həbs orderinin verilməsi qərarı, prokurorluğun Telegram-ın hüquqi sorğulara cavab verməməsi səbəbindən bir çox istintaqın dayandığını başa düşməsindən sonra qəbul edilib. Hüquq-mühafizə orqanlarının fikrincə, Durov-un susqunluğu onu faktiki olaraq cinayətlərə şərik edirdi. Pavel Durov 2024-cü ilin avqustunda Parisin Le-Burje hava limanında həbs olunub və bir neçə gün sonra 5 milyon avro girov qarşılığında sərbəst buraxılıb.

     O, həftədə 2 dəfə polis idarəsində qeydiyyatdan keçməyə və Fransanı tərk etməməyə məcburdur. Həbs olunduqdan sonra Pavel Durov hüquq-mühafizə orqanları ilə əməkdaşlıq etməyə hazır olduğunu bildirib. O, Telegram-ın əsaslandırılmış sorğular əsasında qaydaları pozan istifadəçilərin IP ünvanlarını və telefon nömrələrini təqdim edəcəyini bəyan edib. Görülən tədbirlər nəticəsində Telegram platformasında kiberdələduzların sayı əhəmiyyətli dərəcədə azalıb. Məhkəmə çərçivəsində keçirilmiş dindirmə zamanı Durov Telegram-ın məzmun moderasiya alqoritmlərini təkmilləşdirmək üçün iş apardığını vurğulayıb. Onun sözlərinə görə, qanun pozuntularına görə hər ay dünya üzrə 15-20 milyon istifadəçi hesabı platformadan silinir.

Mənbə: Wired

Bənzər xəbərlər

Sosial Media

Telegram 1000-dən çox istifadəçisinin məlumatlarını ABŞ hökumətinə təqdim edib

Telegram-ın yaradıcısı Pavel Durov keçən ilin avcqust ayında Fransada hüquq-mühafizə orqanları tərəfindən həbs olunandan və daha sonra azadlığa buraxılandan sonra messencer aktiv şəkildə ABŞ hökuməti ilə əməkdaşlıq etməyə başlayıb.

Tech-Biznes

Telegram sonunda gəlirli olmağı bacarıb

Telegram-ın yaradıcısı Pavel Durov messencer ilə bağlı 2024-cü il üzrə yekun statistikaları bölüşüb. Məlum olub ki, bu il Telegram sonunda gəlirli olmağı bacarıb.

Sosial Media

Telegram bu il 15 milyondan çox qrup və kanalı bloklayıb!

Telegram məşhur mesajlaşma platformasındakı qanunsuz məzmunlara qarşı genişmiqyaslı təmizləmə həyata keçirib. 2024-cü ildə zorakılıq, uşaq istismarı və terrorizm səbəbilə 15.4 milyon kanal və qrup bloklanıb.

Sosial Media

Telegram-a videolar ilə bağlı yeni imkanlar və digər funksiyalar əlavə edilib

Telegram özündə bir neçə yeni faydalı funksiyanı birləşdirən yenilənməni əldə edib. İstifadəçilər messencer daxilində izlənilən videolar üçün geniş imkanları, artıq göndərilmiş mesajlara foto, video və faylın əlavə edilməsi özəlliyini, yeni axtarış imkanlarını və digər funksiyaları əldə ediblər.

Sosial Media

Telegram, artıq istifadəçilərin bütün məlumatlarını dövlətlərlə paylaşacağını açıqlayıb!

Ötən həftələrdə Fransada həbs olunan Telegram-ın CEO-su Pavel Durov, dövlətlərin məlumat tələblərini qəbul edəcəklərini açıqlayıb.