Belə üsulla şirkət cihazlarda olan batareyaların uzun müddət işlək vəziyyətdə qalmalarına nail olurdu. Bir neçə müddət bundan öncə şirkət bu vəziyyətə fikir bildirib. Öz məlumatında şirkət bildirib ki, ilk dəfə bu funksiya keçən il iPhone 6, iPhone 6s və iPhone SE modellərində reallaşdırılıb. Bir neçə müddət bundan öncə isə bu funksiya iOS 11.2 əməliyyat sistemi vasitəsilə iPhone 7-də işə düşüb. Şirkət bildirib ki, yüksək texniki göstəricilər nəticəsində litium-ion batareyaları yüklənməyə dözmürlər və buna görə də smartfonun daxili komponentlərinin qorunub saxlanması üçün cihaz avtomatik olaraq sönür.

Bu bir növ iPhone 6 ilə iPhone 6s cihazlarının avtomatik olaraq sönmələri probleminin açıqlamasıdır. Bu barədə Techcrunch saytı xəbər verib. İstifadəçilərin yeni iPhone modelləri almaq üçün şirkətin köhnə modelləri süni şəkildə zəiflətməsi ideyası çoxlarının xoşuna gıəlməyə bilər. Lakin hər şey heç də bu qədər sadə deyil. Belə ki, bu vəziyyətdə şirkətin iki variantı var. Texniki göstəricilərin aşağı endirilməsi və ya cihazları avtomatik olaraq söndürmək. Digər tərəfdən məntiqə əsasən şirkət smartfonların texniki göstəricilərini aşağı salma əvəzinə problemli cihazların batareyalarını dəyişməlidir.

Lakin şirkətin rəsmi servislərində bu cür xidmət bir qədər baha başa gəldiyindən istifadəçilər heç də şirkətin səhvləri ucbatından buna pul ödəməyə hazır deyillər. Bu vəziyyət məşhur formula gətirib çıxardır: “Smartfonunuzun əvvəlki kimi güclü çalışmasını istəyirsinizsə bizə əlavə pul ödəyin”. Heç də ədalətli səslənmir elə deyilmi? Aydındır ki, şirkət cihazın tam şəkildə texniki özəlliklərinin, məhsulun bütün xidmət müddəti ərzində çalışacağına zəmanət verməlidir. Və ya ən azından smartfona olan dəstəyin yekunlaşacağı müddətə kimi. Şirkətin bu problemi rəsmi olaraq etiraf etməsindən sonra onun həll olunması üçün “Apple”ın hansı üsullardan istifadə edəcəyini gözləmək qalır.