main-post-cover

    Honor Band 7 smart qolbağının NFC çipinə sahib versiyası təqdim edilib - QİYMƏTİ

    Elm & Texnologiya
    06.03.2023
    Emil Nəcəfov
        Honor Magic 5 Ultimate ilə birlikdə şirkət Honor Band 7 smart qolbağının yeni versiyası olan Honor Band 7 NFC-ni təqdim edib. Smart qolbağın təqdim edilmiş yeni versiyasının adi versiyadan əsas fərqi ondadır ki, yeni versiya kontaktsız ödənişlər üçün nəzərdə tutulmuş NFC çip ilə təchiz olunub. Digər bütün özəllliklər baxımından Honor Band 7 NFC adi Honor Band 7 ilə eynidir. Belə ki, adi Honor Band 7 kimi Honor Band 7 NFC də 1.47 düym AMOLED ekranla təhiz olunub və ekran 2.5D qoruyucu şüşəsi ilə əhatə edilib. Bununla yanaşı Honor Band 7 NFC modeli ürək döyüntülərini və qandakı oksigen miqdarını ölçə, yuxu keyfiyyətini monitorinq edə bilir. Smart qolbaq 100-ə yaxın idman rejimini dəstəkləyir. Bir dəfə şarj olunandan sonra Honor Band 7 NFC modeli 14 gün ərzində çalışa bilir. Smart qolbaq 20 mart tarixində Çin bazarında 41$ qiymətində satışa çıxacaq. Onun qlobal bazarda satılıb-satılmayacağı bilinmir.
    Linki kopyala