Məsləhətli App #7: 'Maps.me' - Offlayn xəritə və naviqator tətbiq (İCMAL)

Məsləhətli App #7: 'Maps.me' - Offlayn xəritə və naviqator tətbiq (İCMAL)

29.07.2017 PAYLAŞIM

Demək olar ki, hər kəs mobil cihazında xəritə tətbiqlərindən istifadə edir. Bu tətbiqlərdən ən məşhuru və ən çox istifadə ediləni Google Maps-dir. Amma lazımlı anda internet bağlantısının olmaması və ya xəritə tətbiqlərinin internetdən həddən artıq çox istifadə etməsi onlardan istifadəni əlverişsiz edir. Bu xəbərdə sizlərə az öncə qeyd etdiyimiz problemləri yaşamayacağınız offlayn xəritə və naviqator tətbiq Maps.me-ni təqdim edirik.

Maps.me nədir və bizə hansı imkanlar təqdim edir? 

Maps.me dünya miqyasında GPS, xəritə, səyahət bələdçisi və yol tərifi təqdim edən mobil tətbiqdir. Xəritə üzərində restoranlar, alış-veriş mərkəzləri, əyləncə mərkəzləri, xəstəxanalar, banklar, yanacaq doldurma məntəqələri, turistik ziyarət mərkəzləri və bu kimi digər önəmli obyektləri asanlıqla tapa bilərsiniz. Maps.me ödənişsiz və internet olmadan da istifadə edə biləcəyiniz ən uğurlu xəritə tətbiqlərindən biri, hətta birincisidir. 

Tətbiqdən istifadə isə olduqca rahatdır. Hal-hazırda olduğunuz və ya səyahət etmək istədiyiniz ərazinin xəritəsini yükləyərək daha sonra internet olmadan da o ərazilərdə "gəzə" bilirsiniz. Aşağıda Maps.me-nin təqdim etdiyi əsas imkanlar ilə tanış ola bilərsiniz.

- Offlayn xəritə

- Naviqasiya sistemi (Türk dili də daxil olmaqla 26 fərqli dil)

- Əsas obyektlərin aydın təsviri (2D, 3D)

- Azərbaycanın və ölkənin böyük şəhərlərinin xəritə dəstəyi

- İşıqfor və radarların yerinin bildirilməsi (bəzi ərazilərdə)

Maps.me yüksək inkişaf sürətinə malikdir və tətbiqin regionlar üzrə xəritə dəstəyi günü-gündən artır. Onu da qeyd edək ki, axtardığınız obyekt xəritədə mövcud deyilsə onu manual şəkildə özünüz əlavə edə bilərsiniz. Əlavə etdiyiniz obyekti bütün istifadəçilərin görməsini istəyirsinizsə tətbiqdə qeydiyyatdan keçməyiniz məcburidir. 

Sonda bir nüansı da qeyd edək ki, Maps.me üçün əsas rəqib sayılan Google Maps tətbiqi App Store-da "Azərbaycan mağazası" üçün hələ ki, istifadəyə verilməyib. iOS cihazlarda qurlaşdırılan xəritə tətbiqinin də geniş imkanlar təqdim etməməsi iPhone və iPad sahibləri üçün Maps.me-dən istifadəni vacib edir. 

Offlayn xəritə və naviqator tətbiq olan Maps.me-ni Google Play və App Store-dan ödənişsiz olaraq yükləyib, bütün bu özəlliklərdən faydalana bilərsiniz.










SİZƏ MARAQLI OLACAQ BİR NEÇƏ MƏLUMAT


Redmi Note 8 Pro'nun qiyməti təqdimatdan öncə məlum oldu

Redmi Note 8 Pro smartfon modelinin təqdimatına çox az zaman qalmış onun barəsində demək olar ki, hə..


Redmi brendi artıq K20 smartfon modelinin davamçısı üzərində çalışır

May ayında Xiaomi şirkətinin Redmi brendi Redmi K20 smartfon seriyasını təqdim etmişdi.


Azercell 'Rəqəmsal Dünya Bölgələrdə' layihəsi çərçivəsində uşaqları və məcburi k..

Azercell Telekom “Rəqəmsal Dünya Bölgələrdə” şüarı altında iyul ayından başlayaraq ölkənin şəhər bə ..


Mercedes-Benz şirkəti öz alıcılarını izlədiyini etiraf edib

Smartfon istifadəçiləri artıq təəccüblənmirlər ki, həmin smartfonlr onların yerləşdikləri yerləri iz..


Onlayn sağlamlıq proqramları və məşqlər üçün yeni yerli tətbiq təqdim olundu - F..

Tətbiqin ən əsas üstünlüyü ondan ibarətdir ki, bu proqramlar sizə təsadüfi və kor təbii şəkildə təqd..


ABŞ'ın Huawei şirkətinə təqdim etmiş olduğu lisenziya daha 3 aylıq uzadılacaq..

ABŞ-ın ticarət nazirliyi Huawei şirkətinə qarşı təyin edilmiş sanksiyaların daha 3 ay təxirə salınma..