Məsləhətli App #8: 'Truecaller' - Tanımadığınız nömrənin kimə məxsus olduğunu tapmağa kömək edən tətbiq (İCMAL)

Məsləhətli App #8: 'Truecaller' - Tanımadığınız nömrənin kimə məxsus olduğunu tapmağa kömək edən tətbiq (İCMAL)

Texnologiya
31.07.2017 PAYLAŞIM

Demək olar ki, tez-tez reklam xarakterli zənglərin, mesajların gəlməsi adi hal olub. Əhəmiyyətli bir görüşdə, ciddi bir toplantıda olduqda və ya ən pisi cihazın enerjisinin bitməsinə az qalarkən gələn bu zənglər, mesajlar insanları olduqca narahat edir. Lakin təəssüf ki, bu reklamları ləğv etmək əlimizdə deyil. Tamamilə mobil operatorlardan asılı olan bu xidmətlərin bəzilərinə isə artıq çoxdan "STOP" yazıb yollamışıq. Bu gün ki, məsləhətimiz olan Truecaller tətbiqi sizə reklam xarakterli zəng və ya mesajları əngəlləmək işində kömək edəcək. Sözü çox uzatmadan Truecaller-in özəllikləri və təqdim etdiyi imkanlar ilə tanış olaq.

Truecaller nədir?

Truecaller tətbiqi narahat edən nömrələri yaddaşında saxlayan və tətbiqi istifadə edən insanların bu nömrələrdən gələn zəngləri istədikləri kimi idarə etməsinə kömək edən uğurlu bir tətbiqdir. Gələn zəng və ya mesajın reklam xarakterli (və ya digər narahat edən) nömrələrdən olduğunu bildirən Truecaller tətbiqi istifadəçilərin bu vəziyyəti öz istədiklərini kimi idarə etməsinə şərait yaratdığı kimi, həm də bu "qara" siyahıya istənilən nömrənin əlavə edilməsinə icazə verir.

Truecaller necə istifadə olunur?

Öncədən qeyd edək ki, Truecaller-də "Azərbaycan dili" dəstəyi yoxdur və buna görə də istifadə qaydalarının bəzi hissələrini daha çox anlaşılan "türk dili" ifadə edəcəyik.

- İlk olaraq smartfonunuzun əməliyyat sisteminə uyğun olaraq Truecaller tətbiqini Google Play və ya App Store-dan yükləyin. 

- Tətbiqi açın və sonra kontakt siyahınız üçün tələb olunan icazəni verin. ( Bu icazənin mahiyyəti xəbərin sonunda daha ətraflı izah olunacaq)

- Tətbiqdə qarşınıza çıxan "istenmeyen" düyməsinə toxunaraq ölkəmizdəki qeyd olunan yuxarıda qeyd olunan tip nömrələri görə bilərsiniz. "Bir Numara Ekle" düyməsinə toxunaraq bu siyahıya nömrə və ad qeyd etmək şərti ilə narahatedici nömrələri əlavə edə bilərsiniz.

- "İstenmeyen" hissəsindəki olan "En çok engellenen" düyməsinə toxunub "Şimdi Güncelle" etdiyinizdə ən son qeyd olunan nömrələrdən gələn zəng və mesajlardan xilas olursunuz.

Truecaller-in təqdim etdiyi imkanlar:

1. Ölkədaxili və xarici bütün mobil nömrələri axtarış edə bilərsiniz.

2. Tanımadığınız mobil nömrənin kimə məxsus olduğunu bilin.

3. Zəng etməsini istəmədiyiniz və ya reklam xarakterli nömrələri əngəlləyin.

4. Truecaller vasitəsilə istədiyiniz insanı Twitter-də izləyin və ya ona tweet yollayın.

5. Daha sürətli əməliyyat axtarış nəticələri üçün Yelp! inteqrasiyası.

Sonda tətbiqin işləmə prinsipinə də aydınlıq gətirək. Truecaller tətbiqi bir müddət öncə ölkədə istifadəsinə qadağa qoyulan Mage tətbiqi kimi qurulduğu cihazdakı bütün mobil nömrələri öz yaddaşında saxlayır. Həmin mobil nömrələrdən hər hansısa biri başqa bir istifadəçi tərəfindən axtarış edildikdə nömrənin məxsus olduğu şəxsin adının görünməsinə səbəb budur. İstifadə qaydalarında qeyd etdiyimiz tətbiqin tələb etdiyi icazə tam da bu məqsədi daşıyır. Buna görə də tətbiqlərin tələb etdiyi bu tip icazələri rədd etməniz məsləhət görülür.



SİZƏ MARAQLI OLACAQ BİR NEÇƏ MƏLUMAT


3 illik fəaliyyətdən sonra Google şirkəti Daydream VR layihəsini bağladı

Şirkət VR cihazı satışdan çıxartdı və tətbiqlərdən ibarət platformanın inkişafını dayandırdı...


Huawei P40 və P40 Pro smartfonları eyni anda iki əməliyyat sistemi əldə edə bilə..

Huawei şirkəti HarmonyOS əməliyyat sistemini hələ avqust ayında təqdim etmişdi.


Samsung şirkəti yeni ekran dizaynının patentini aldı

Smartfon ekranının ön panelin çox hissəsini əhatə etməsi yolunda istehsalçılar ön kameranın yerləşdi..


Google'dan yeni naqilsiz Pixel Buds 2 qulaqlığı - QİYMƏTİ

Made by Google təqdimat tədbiri çərçivəsində Google şirkəti naqilsiz Pixel Buds 2 qulaqlıqlarını təq..


Google şirkəti Pixelbook Go adlı yeni noutbuk modelini təqdim etdi - QİYMƏTİ..

Google şirkəti Chrome OS əməliyyat sistemini inkişaf etdirməkdə davam edir. Beləliklə Made by Google..


Google Pixel 4 və Pixel 4 XL təqdim olundular - QİYMƏTİ

Made by Google tədbiri çərçivəsində Google şirkəti sonunda Pixel 4 və Pixel 4 XL smartfon modellərin..